Ամեն տարի այս օրը ես զանգահարում եմ մայրիկիս և շնորհակալություն հայտնում, որ ինձ լույս աշխարհ է բերել. Նաիրա Շահիրյան

18 հունվար 2018 18:36
Ամեն տարի այս օրը ես զանգահարում եմ մայրիկիս և շնորհակալություն հայտնում, որ ինձ լույս աշխարհ է բերել. Նաիրա Շահիրյան

Երևանի Հ. Ղափլանյանի անվան պետական դրամատիկական թատրոնի դերասանուհի Նաիրա Շահիրյանն այսօր նշում է ծննդյան 54-ամյակն. այդ առիթով Life.panorama.am-ը զրուցել է նրա հետ:

Դերասանուհին պատմեց, որ կեսգիշերից սկսած` շնորհավորանքները չեն դադարում, մեկը մյուսից հաճելի ու օգտակար բարեմաղթանքներ է լսում, սակայն, Ն. Շահիրյանի խոսքով, ամեն տարի այս օրը նա էլ իր հերթին մայրիկին` ՀՀ վաստակավոր արտիստուհի Էվելինա Շահիրյանին է շնորհավորում, ով դստեր տարեդարձին դեռ երկու օր առաջ է պատրաստվում:

«Այսօր ոչ միայն իմ, այլև մայրիկիս տոնն է: Ամեն տարի այս օրը ես զանգահարում եմ նրան, շնորհավորում և շնորհակալություն հայտնում, որ ինձ լույս աշխարհ է բերել ու ավելացնում եմ` «Հիմա սա եմ, լավը, թե վատ, չգիտեմ, բայց քո լույս աշխարհ բերածն ու դաստիարակածն եմ»: Ի դեպ` մայրս ամեն տարի շատ լուրջ է պատրաստվում տարեդարձիս, նա մեկը մյուսից համեղ ուտեստներ է պատրաստում, ինձ և ընկերներիս հրավիրում է իր տանը ու նշում տարեդարձս: Չնայած, ես ամեն անգամ իրեն ասում եմ, որ ավելի լավ է չտանջվի և դրսում հավաքույթ կազմակերպենք, բայց նա չի համաձայնում, սիրում է, որ հենց իր տանը իմ օրը տոն դարձնի»,- պատմեց մեր զրուցակիցը:

Նաիրա Շահիրյանը նշեց, որ սիրում է իր տոնը, նաև հավելեց, որ եթե անգամ ցանկանա այդ օրը ավելի հանգիստ անցկացնել, միևնույն է, չի հաջողվի:

«Եթե շատ էլ ցանկանամ, չեմ կարող փախչել ծննդյանս օրից: Մայրս ու ընկերներս ինձ պարզապես թույլ չեն տա տարեդարձիս միայնակ մնալ: Ծննդյանս օրը մայրս մեծ հաճույք է ստանում, և ես չեմ կարող նրան դրանից զրկել»,- հավելեց նա:

50-ից հետո կնոջ առանձնահատկությունների մասին խոսելիս` դերասանուհին նշեց.

«Ես չեմ մտածել այս հարցի շուրջ, և ոչ էլ թվերին մեծ ուշադրություն եմ դարձնում: Գիտեք, 50-ամյակիս կապակցությամբ թատրոնում մեծ հոբելյանական միջոցառում եղավ, թվում էր, թե ինչ-որ մի բան փոխվելու է, բայց չի փոխվում, որովհետև ինչպես 49, այնպես էլ 54-ն ես մեկ անգամ ունենում կյանքում: Պարզապես 50-ից հետո երևի ավելի հաճախ ես հետ նայում ու մտածում, թե ինչքանով ես ճիշտ անցել քո ճանապարհը, 50-ից հետո ավելի հավասարակշիռ ես դառնում, մտածում ինչ է արվել ու ինչ է արվելու, որն է քո առաքելությունը, արդյոք ճիշտ ես ապրել ու ճիշտ ընտրություններ ես կատարել»:

Նաիրա Շահիրյանը անկեղծորեն նկատեց, որ իր կյանքի յուրաքանչյուր քայլ կատարել է զգացմունքներից ելնելով:

«Իմ կյանքում ամեն ինչ արել եմ զգացմունքային ֆոնի վրա: Թե մասնագիտության ընտրությունը, թե ամուսնությունը, թե երեխաներ ունենալը, ամեն բան արվել է` զգացմունքներից ելնելով: Դրանք լուրջ ու երկար մտածված քայլեր չեն եղել և առհասարակ, միշտ էլ չեմ հասկացել այն մարդկանց, ովքեր հաշվարկով են ապրում: «Եթե սիրտս բաբախում է, ուրեմն քայլերս ճիշտ են»` ես այս գաղափարով եմ մշտապես առաջնորդվել:  Իհարկե, թերացումներ, սխալներ ևս եղել են, բայց դրանք ևս իմն են, ինձ համար անգամ սխալներս են թանկ: Եվ վերջապես, մարդը երևի պետք է սխալվի, որ կարողանա ճիշտ ճանապարհներ գտնել: Գուցե դանդաղ քայլերով եմ առաջ գնում, բայց, կարծում եմ, որ հստակ եմ քայլում: Ամեն դեպքում իմ բոլոր հարաբերություններում աշխատում եմ ազնիվ լինել»,- ընդգծեց նա:

Դերասանուհին նշեց նաև, որ սիրում է բեմը, սակայն իր համար մշտապես առաջնայինը ընտանիքն է եղել.

«Երեխաներս իմ ձեռքբերումներն են: Ինձ համար միշտ առաջնայինը ընտանիքս է եղել: Գիտեք, եթե կինը կարող է համատեղել աշխատանքը, արվեստը ընտանիքի հետ, ապա դա մեծ առավելություն է»,- հավելեց նա:

Իր երիտասարդության գրավականը Նաիրա Շահիրյանը տեսնում է ոչ միայն գեների, այլև կյանքի նկատմամբ իր տրամադրվածության մեջ:

«Կարևորը կյանքում չչարանալն է, որովհետև, երբ ներսում չարություն կա, ապա դեմքդ կկնճռոտվի, աչքերիդ փայլը կկորի: Անկախ դժվարություններից` ես աշխատում եմ չչարանալ: Իհարկե, նախ շնորհակալ եմ ծնողներիս լավ գեներ փոխանցելու համար: Ուրախությամբ եմ ասում, որ երբեք կոսմետիկ ծառայությունների չեմ դիմել: Նաև ուզում եմ շեշտել, որ կինը իրեն պետք է սիրի և ընդունի յուրաքանչյուր տարիքում: Ես ինձ ընդունում եմ այնպիսին, ինչպիսին կամ, յուրաքանչյուր տարիքում փորձում եմ փնտրել գեղեցիկը: Ես իսկապես չեմ փախչում իմ տարիքից»,- հավելեց նա:

Հարցին՝ ինչ է ինքն իրեն մաղթում, Նաիրա Շահիրյանը նշեց. «Ես ուզում եմ, որ մտերիմներս առողջ ու իմ կողքին լինեն, ուզում եմ տեսնեմ երեխաներիս թե անձնական, թե մասնագիտական հաջողությունները: Ես միշտ նախընտրում եմ, որ իմ փոխարեն երեխաներս ճիշտ ճանապարհին հայտնվեն և գտնեն իրենց տեղն այս կյանքում: Ուզում եմ այնքան առողջ լինել, որ միշտ կարողանամ օգտակար լինել բոլորին, միշտ լինել մտերիմներիս կողքին»:

Հեղինակ` Անուշիկ Մելքոնյան


Լրահոս

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ

Ամենա դիտվող նյութերը

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ