Մենք հիմա բալիկի չենք սպասում, բայց շատ կցանկանանք, որ դա լինի մեզ հետ. Մովսես Երեմյան

20 հոկտեմբեր 2017 13:49
Մենք հիմա բալիկի չենք սպասում, բայց  շատ կցանկանանք, որ դա լինի մեզ հետ. Մովսես Երեմյան
Life.panorama.am-ի զրուցակիցն է դերասան Մովսես Երեմյանը, ով այժմ նկարահանվում է Դիանա Գրիգորյանի «Նռան հատիկը» հեռուստասերիալում՝ մարմնավորելով գլխավոր հերոսին:
 
- Մովսես, երկար ժամանակ էր, որ Ձեզ էկրաններին չէինք տեսնում, ինչո՞վ էր պայմանավորված այդ դադարը:
 
- Ճիշտ եք, որոշ ժամանակ ոչ մի տեղ չէի նկրահանվում, քանի որ նոր էի ամուսնացել եւ ուզում էի ավելի շատ ժամանակ անցկացնել կնոջս հետ: Բացի այդ կենտրոնացած էի պարի վրա, այս ընթացքում ես ու կինս մեր փոքրիկ խումբը բացեցինք, որտեղ երկուսս էլ դասավանդում ենք: Մենք այնպես ենք դասավորել, որ ողջ օրը միասին լինենք՝ օրը 24 ժամ:
 
- Իսկ ինչպե՞ս ստացվեց, որ որոշեցիք չեղարկել էկրանային դադարը:
 
- Առաջարկ ստացա Դիանա Գրիգորյանից մարմնավորել նոր հեռուստասերիալի գլխավոր հերոսին: Հետո կարդալով սցենարն ու ծանոթանալով կերպարիս՝ որոշեի համաձայնել, քանի որ ամեն ինչ գոհացնող էր: Ուրախ եմ նաեւ, որ աշխատում եմ մի թիմում, որտեղ առողջ մթնոլորտ է, կա փոխադարձ հարգանք եւ արդյունավետ աշխատանք ստեղծելու մեծ ոգեւորություն:
 
- Ձեր հերոսի հետ նմանություններ ունե՞ք:
 
- Մեծ հաշվով բնավորության իմաստով նմանություններ չունենք, բայց ինչպես յուրաքանչյուր դեպքում, դերասանն իր հերոսներին որոշ բաներ է տալիս, որը չկա սցենարում: Իմ կերպարին տվել եմ իմ շարժուձեը, քայլվածքը, միմիկաները. Այս առումով նման ենք:
 
- Մովսես, դուք դաշտում փորձ ունեք, սակայն Ձեր խաղընկերուհիները՝ կինն ու Ռոզա Ֆիլբերգը, չունեն նկարահանվելու փորձ: Միմյանց կարողանո՞ւմ եք հեշտ հասկանալ:
 
- Կինս ԱՄՆ-ում դերասանի վարպետություն է ուսումնասիրել, նա մասնագիտությամբ դերասանուհի է, պարզապես նկարահանվելու փորձ չուներ: Իր գիտելիքների շնորհիվ կարողանում է նաեւ կադրում իրեն ճիշտ դրսեւորել, հետեւաբար ոչ մի խնդիր չենք ունենում, նրա հետ շատ հեշտ է: Ռոզան էլ, ճիշտ է, որպես դերասանուհի փորձ չունի, բայց շատ աշխատասեր է ու ամեն ինչ անում է լավ արդյունքի համար: Երկուսի դեպքում էլ ես ոչ մի խնդիր չեմ տեսնում:
 
- Իսկ անհարմարություն կամ կաշկանդվածություն չե՞ք զգում կնոջ հետ խաղալիս, հատկապես, որ ֆիլմում կարծես թե Ձեր սիրային գիծը նրա հետ չի զրգանալու:
 
- Թե ֆիլմն ինչպես կզարգանա, ինքս էլ չգիտեմ: Սկզբում ես էլ էի կարծում, որ դժվար կլինի կնոջս հետ խաղալը, բայց ամեն իչ զարմանալի հեշտ է ստացվում: Կաշկանդվածություն չկա, երկուսս էլ կարողանում ենք նկարահանման հրապարակում մի կողմ թողնել անձնականը, բայց նաեւ միմյանց համար շատ ցավել եւ հոգ տանել: Ամեն ինչ հրաշալի է, ինչպես բոլոր հարցերում, մենք իրար շատ լավ ենք զգում ու հասկանում:
 
- Մովսես, ի դեպ, վերջերս լուրեր տարածվեցին, թե Աննան հղի է, եւ դուք պատրաստվում եք ծնողներ դառնալ: Այս մասով այդպես էլ մեկնաբանություն չեք տվել. Հերքում կամ հաստատում կանե՞ք:
 
- Հերքում եմ, մենք հիմա բալիկի չենք սպասում, բայց Աստծո կամոք, շատ կցանկանանք, որ դա լինի մեզ հետ: Այս պահին ավելի շատ կենտրոնացած ենք աշխատանքի վրա, սակայն, եթե արժանանանք այդ օրհնությանը, ամենաերջանիկը կլինենք:
 
-  Բացի «Նռան հատիկը» հեռուստասերիալից, այլ ծրագրեր ու առաջարկներ ունե՞ք:
 
- Վերջերս նկարահանվել եմ «Վերջին գործարք» 25 մասանի ֆիլմում, որը շուտով կհեռարձակվի, բայց այդ մասին դեռեւս ոչինչ չեմ կարող հայտնել:
 
Հեղինակ՝ Անուշիկ Մելքոնյան
 
 

Լրահոս

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ

Ամենա դիտվող նյութերը

Մեկնաբանություններ
Մեկնաբանություններ
Մեկնաբանություններ

Գովազդ