Կարող եմ որոշել, որ ոտաբոբիկ պետք է հասնեմ տվյալ եկեղեցին ու ամուսնուս հետ մեծ հաճույքով անենք դա. Ծովինար Մարտիրոսյան

12 օգոստոս 2017 14:05
Կարող եմ որոշել, որ ոտաբոբիկ պետք է հասնեմ տվյալ եկեղեցին ու ամուսնուս հետ մեծ հաճույքով անենք դա. Ծովինար Մարտիրոսյան

Գ. Սունդուկյանի անվան ազգային ակադեմիական թատրոնի դերասանուհի Ծովինար Մարտիրոսյանը Life.panorama.am-ին պատմել է ընտանիքով Հայաստանի եկեղեցիները այցելելու իր ուխտի մասին, որը սկսել է դեռ նախորդ տարի:

«Առհասարակ ես հաճախ եմ ուխտ դնում և գնում դեպի դրանց կատարմանը: Կարող եմ որոշել, որ ոտաբոբիկ պետք է հասնեմ տվյալ եկեղեցին ու ամուսնուս հետ մեծ հաճույքով անենք դա, չնայած երբեմն ճանապարհները այնքան էլ հեշտ ու հարթ չեն: Տղաներս արդեն տասը և երեք տարեկան են, կարծում եմ՝ ժամանակն է, որ նրանք ծանոթանան ու սիրեն իրենց երկիրը: Եվ քանի որ մենք աշխարհում Քրիստոնեությունն ընդունած առաջին երկիրն ենք, որոշեցի, որ որդիներս պետք է լինեն մեր երկրի գրեթե բոլոր եկեղեցիներում: Մեր ուխտագնացությունը սկսել ենք Էջմիածնից: Ընդ որում նշեմ, որ յուրաքանչյուր վանք այցելելիս, ես մանրամասնորեն պատմում եմ մեր ժողովրդի պատմությունը, որը կապված է տվյալ վայրի հետ»,- պատմեց Ծովինարն ու նշեց.

«Կարծում եմ՝ երեխաներին դաստիարակելու հարցում ոչ թե պետք են մեծաշուք բառեր ասել, այլ ճիշտ օրինակ ցույց տալ: Երբ երեխան տեսնում է իր ծնողների հաշտ միությունը, երբ տեսնում է, թե ինչպես է մայրը քնելուց առաջ աղոթում, ապա իր մեջ էլ սերմանվում են ճշմարիտ հավատացյալի հատկանիշներ: Ինձ համար այն մարդը, ով աստվածավախ չէ, ընդունակ է ամեն ինչի: Ես ու ամուսինս որոշեցիք, որ մեր երեխաները պետք է հենց այս տարիքից ծանոթանան իրենց պատմությանն ու երկրին: Հետաքրքրականն այնն է, որ անգամ փոքրիկս, ով ընդամենը երեք տարեկան է, չի հոգնում երկար ճանապարհներից, նա մեծ հաճույքով մտնում է եկեղեցի, մեզ նման աղոթք ասում ու լսում այն պատմությունները, որն իրենց ենք պատմում: Դե իսկ ավագ որդիս՝ Անրին, իր տարեկիցներից շատ ավելի հասուն է իրեն պահում, թատրոնում արդեն գլխավոր դեր է խաղում. նա Ֆ. Վերֆելի «Մուսա լեռան 40 օրը» ներկայացման մեջ Աննա Էլբակյանի հետ էր խաղում, ինչը բավականին պատասխանատու գործ է: Այսինքն՝ Անրին շատ մեծ պատասխանատվություն ունի և իր իսկ նկատմամբ բավականին պահանջկոտ է: Նրա համար մեր ճանապարհորդությունները շատ հետաքրքիր են, իսկ ես վստահ եմ, որ նրա զարգացման գործում եկեղեցիներ այցելելը մեծ ու դրական նշանակություն կարող են ունենալ: Երեխան դեռ մանկուց պետք է հասկանա, թե ինչ բան է մշակույթը, գիրքը և սեփական պատմությունը սիրելու կանոնները»:

Ծովինար Մարտիրոսյանի խոսքով՝ թատրոնում գերզբաղվածության պատճառով դեռևս  չի հաջողվում երկարատև հանգստի մեկնել.

«Ես ու ամուսինս այժմ նկարահանվում ենք «Դեպի երազանք» 25 մասանի ֆիլմում: Բացի դա, Ա. Էլբակյանն այս օրերին բեմադրում է «Մեծապատիվ մուրացկաններ» ներկայացումը, որտեղ զբաղված ենք նաև ես ու ամուսինս: Երկարատև փորձերից հետո մենք կարող ենք նստել մեքենան ու հենց այդ պահին էլ որոշենք, թե այդ օրը ուր ենք գնալու: Այսինքն՝ նախապես չենք ծրագրում ու ընտրում վայրը: Միակ ծրագրավորված բանն այնն է, որ ուզում ենք հասցնել այս տարի մեկնել Արցախ»,- հավելեց նա:

Ամռան վերջին Ծովինարը ցանկություն ունի նաև ծով մեկնել. «Մենք ընտանիքով շատ ենք ծով սիրում, հետևաբար երկարատև հանգստի համար նախընտրությունը  հենց ծովափնյա քաղաքին ենք տալիս: Թեև, եթե չհաջողվի երկրից մեկնել, հաստատ կփորձենք հանգստանալ Հայաստանում: Մենք արդեն չորս տարի է, ինչ հանգստանում ենք Աղվերանում ու մեծ տպավորություններով ենք վերադառնում»,- նշեց Ծովինարն ու ընդգծեց. «Գիտեք, միշտ նյարդայնանում եմ, երբ մեզ ասում են՝ «Օ, դե դուք հարուստ եք, որ Հայաստանում եք հանգստանում»: Այո, համաձայն եմ, որ Հայաստանում հանգստանալը մատչելի չէ, բայց հաստատ Եվրոպայում ևս մատչելի չէ: Ուրեմն ինչու մեր գումարները չծախսենք մեր երկրում, այլ փոխարենը հարստացնենք մեկ այլ պետության: Մեր հայերը չեն սիրում գնահատել իրենց ունեցածը: Դեմ չեմ ծովափնյա հանգստին, բայց կարելի է նաև փոքրիկ հանգիստ կազմակերպել սեփական երկրում»:

Հեղինակ՝ Անուշիկ Մելքոնյան

 


Լրահոս

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ

Ամենա դիտվող նյութերը

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ