Ուրախ եմ, որ իմ տղամարդը լավ հայր է և ունի մեծ պատասխանատվություն իմ հանդեպ. Շուշաննա Թովմասյան

06 հուլիս 2017 20:20
Ուրախ եմ, որ իմ տղամարդը լավ հայր է և ունի մեծ պատասխանատվություն իմ հանդեպ. Շուշաննա Թովմասյան


Դերասանուհի Շուշաննա Թովմասյանն իր անձնական կյանքի շուրջ վերջին քննարկումներից հետո առաջին անգամ անկեղծ զրույց է ունեցել Life.panorama.am-ի հետ:

Մեզ հետ զրույցում Շուշաննան խոստովանեց, որ իր ու ռեժիսոր Վահե Սայանի սերն այդքան բուռն քննարկվելուց հետո սկզբում շատ է սրտնեղել, բայց վստահ նշեց նաև՝ չի չարացել.

«Միշտ համարել եմ, որ մարդու անձնական դաշտը միայն իրեն է պատկանում, և մեզնից յուրաքանչյուրը իրավունք ունի չխոսել իր կյանքի այդ կողմի մասին: Ես երբեք չեմ սիրել խոսել այդ մասին և կշարունակեմ այդպես էլ անել, պարզապես նման բուռն քննարկումներից հետո միայն շատ կարճ կանդրադառնամ: Չեմ թաքցնի, իմ անձի վերաբերյալ վերջերս սարսափելի հրապարակումներ ու մեկնաբանություններ եմ կարդացել, որոնք ինձ շատ են սրտնեղել, եղել է պահ անգամ, երբ արտասվել եմ: Այնուամենայնիվ, այն մարդիկ, ովքեր նեղացրին ինձ, անեծքներ ու չարախոսություններ հնչեցրին, ովքեր անձնապես վիրավորեցին ինձ, իմ ընտրությանն ու ընտանիքին, միայն կասեմ, որ անկախ դերասանուհի լինելուց՝ ես էլ մարդ եմ՝ իմ հույզերով, զգացմունքներով ու ապրումներով, ու թեև հասկանում եմ, որ ամեն մեկն ունի արտահայտվելու իրավունք, բայց դիմացինին վիրավորելուց առաջ, լավ կլիներ մի փոքր մտածել, հատկապես, որ դիմացինի մասին ոչինչ չգիտեն: Ինչևէ, ես նրանցից չեմ նեղացել, այն, ինչ իրենք ինձ մաղթեցին, նույնն իրենց չեմ ցանկանում: Փոխարենը՝ ցանկանում եմ, որ այդ նույն չարախոսող մարդիկ լինեն առողջ, ապրեն խաղաղ ու երջանիկ կյանքով, սիրեն ու սիրված լինեն, թող նրանք զգան ներքին ներդաշնակություն: Ես չեմ դատում, նրանք ևս չպետք է դատեն, քանի որ մեր բոլորի դատավորը միայն Աստված է: Անկախ ամեն ինչից՝ ես շնորհակալ եմ բոլորին, թեկուզ չարախոսողներին, քանի որ նրանք ինձ տարիներ շարունակ հետևել են, և ես, որպես  դերասանուհի, կշարունակեմ նոր կերպարներ կերտել նրանց համար: Ես իմ աշխատանքը շատ եմ սիրում, և երբևէ աշխատանքս չեմ շփոթել անձնականիս հետ»,- նշեց դերասանուհին և հավելեց.

 «Վիրավորական ենթատեքստ ունեցող քննարկումներն իմ կյանքում առաջին անգամը չեն: Դրանք ժամանակի ընթացքում եղել են ու անցել, սա էլ կանցնի, ես չեմ սրտնեղում: Վերևում Աստված կա, ով ամեն բան ու բոլորին տեսնում է: Իսկ ես հիմա պարզապես կարող եմ ասել, որ եթե հետաքրքրեմ նրանց, կարող են շարունակել հետևել ինձ, քանի որ ես անդադար փորձում եմ աշխատել: Ինձ հետաքրքիր կլինի հերթական նախագծից հետո լսել այդ նույն մարդկանց կարծիքը»:

Խոսելով իր ու Վահե Սայանի սիրո պատմության մասին՝ Շուշաննան նշեց. «Ասում են՝ մարդ պետք է իր երջանկությունը փակ պահի, հակառակ դեպքում հնարավոր է փոշի նստի: Այո, երբ կարողանում ես դուռը փակ պահել, ամեն բան մնում է կոկիկ և մաքուր, այդպես է և մարդու անձնական կյանքում: Ես չեմ ուզում պատմել մեր սիրո պատմությունը, փոխարենը՝ կասեմ, որ անկախ տարածված խոսակցություններից, ես ավելի վստահ ու հպարտ եմ իմ ընտրության համար: Ինքս շատ լավ եմ հասկանում ու, կարծում եմ, շատերը ևս պետք է հասկանան, որ սա արժևորված և գիտակցված սեր է, իսկ քննադատությունները փորձ էր մեր զույգի համար, որ հաղթահարեցինք: Ես արժանի մարդու համար պատրաստ եմ յուրաքանչյուր դժվարության, իսկ Վահեի մասին միայն կասեմ՝ ինչքան լավ է, որ նա կա իմ կյանքում: Այսօր ես սիրով եմ լցված ու երջանիկ եմ զգում ինձ: Ես էությամբ բծախնդիր մարդ եմ, իսկ անձնական կյանքիս էլ ավելի բծախնդրությամբ եմ վերաբերվում: Ես գիտեմ իմ արժեքը, գիտեմ նաև լավ մարդու արժեքը, ես միշտ կսիրեմ, կփափագեմ ու կդողամ իր համար»:

Շուշաննա Թովմասյանը դժվարացավ ասել, թե երբ կօրինականացնեն իրենց հարաբերությունները, բայց նաև նկատեց, որ ամեն բան կընթանա իր ճիշտ տրամաբանությամբ:

Խոսելով Վահե Սայանի ամուսնալուծված լինելու փաստի և դերասանուհու վրա դրա ազդեցության մասին՝ Շուշաննան ընդգծեց. «Ոչ ոք չգիտի, թե իր կյանքն ինչպես կընթանա, հանգամանքներն ու պատճառներն էլ տարբեր կարող են լինել: Իհարկե, բոլորն էլ կցանկանան, ինչպես հեքիաթներում, սիրեն մեկին, ամուսնանան ու ապրեն երկար և երջանիկ: Սակայն կյանքը լրիվ այլ է, իրական սիրո հիմքերը ուրիշ են: Սիրուդ համար պետք է պայքարես, սերդ ապացուցեց և հարկ եղած դեպքում զիջես, հարմարվես ու ընդունես: Ընտանիքի հիմքը պատասխանատվության ու փոխադարձ հարգանքի մեջ է: Իմ ու Վահեի կյանքում այդ գաղափարը կոնկրետ է դրված, մենք իրար հասկանում ենք անգամ առանց բառերի: Ուրախ եմ, որ իմ տղամարդը շատ լավ գիտի իր հայրական պարտականությունները, ունի մեծ պատասխանատվություն իմ նկատմամբ ու կարողանում է ամեն ինչ ճիշտ կարգավորել: Մենք հարգում ենք միմյանց, ինչը ամենակարևորն է»:

Շուշաննայի հետ զրույցում անդրադարձանք նաև Վահե Սայանի նախկին կնոջ ու երեխայի հետ փոխհարաբերություններին: Այս մասին խոսելիս՝ դերասանուհին նկատեց.

«Ես, Վահեն ու նրա նախկին կինը հասուն մարդիկ ենք, հարգում ենք միմյանց ու փորձում հասկանալ: Ինքս էլ շատ դրական եմ տրամադրված փոքրիկի հանդեպ և ուրախ եմ, որ իմ ընտրյալը լավ հայր է: Մեր հարաբերություններում քմահաճույքները տեղ չունեն, մենք ադեկվատ մարդիկ ենք: Ես վստահում եմ Վահեին, նա կարողանում է ամեն ինչ կառավարել»:

Life.panorama.am-ի հետ զրույցում Շուշաննա Թովմասյանն անդրադարձավ նաև աշխատանքային գործունեությանը: «Կենտրոն» հեռուստաընկերության աշնանային եթերաշրջանում նոր հեռուստասերիալ կհեռարձակվի, որտեղ նա կներկայանա բոլորովին նոր կերպարով:

«Այժմ զբաղված ենք նոր հեռուստասերիալով, որի ռեժիսորը Վահե Սայանն է: Հեռուստասերիալում ես գլխավոր հերոսուհին չեմ լինի, բայց գործող կերպարներից մեկին եմ մարմնավորելու, որի նման կերպար մինչ այս չեմ ունեցել: Նատա՝ այսպես է հերոսուհուս անունը, ով շատ ուժեղ բնավորության տեր է, ունի իր սկզբունքները, իր հստակ որոշումները, խիստ է ու, այսպես ասած, խեղճ չէ: Նրան բացասական համարել չեմ կարող, բայց շատ դրական կերպար էլ չէ: Ինձ հետաքրքիր է այս կերպարը, հիմա անհամբեր սպասում եմ նկարահանումներին, որոնք օրերս կմեկնարկեն»,- նշեց Շուշաննան ու շարունակեց.

«Շատ ուրախ ու հպարտ եմ, որ իմ կերպարային գիծը անմիջականորեն զարգանալու է դերասան Արտաշես Ալեքսանյանի հետ: Ըստ սցենարի՝ նա գլխավոր հերոսներից մեկն է, շատ հարուստ մարդ է, իսկ ես մարմնավորում եմ նրա աղջիկներից մեկին: Ի դեպ, սցենարի համաձայն՝ այս ընտանիքում տարբեր բնավորություններով երեխաներ կան, որոնք հետաքրքիր գույներ են հաղորդում»:

Շուշաննա Թովմասյանն այս ամռանը չի հասցնի հանգստանալ, քանի որ հեռուստասերիալի աշխատանքներն արդեն իսկ սկսված են:

«Մեր հանգիստը սկսվեց, երբ ավարտվեց «Երանի»-ն, բայց քանի որ ես քննություններ ունեի, չհասցրի հանգստանալ: Այս տարի կփորձեմ այստեղ կազմակերպել հանգիստս, երկրից հաստատ չեմ մեկնի»,- ավարտեց դերասանուհին:
 

Հեղինակ Անուշիկ Մելքոնյան


Լրահոս

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ

Ամենա դիտվող նյութերը

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ