Ռոզի Ավետիսովան՝ «Եթե գտնեմ քեզ» նոր հեռուստասերիալի և ապագա ծրագրերի մասին

19 հունվար 2017 17:50
Ռոզի Ավետիսովան՝ «Եթե գտնեմ քեզ» նոր հեռուստասերիալի և ապագա ծրագրերի մասին

Տարեսկզբին հեռուստադիտողին հանձնվեց «Եթե գտնեմ քեզ» նոր հեռուստասերիալը, որի գլխավոր հերոսուհիներից մեկը դերասանուհի Ռոզի Ավետիսովան է:

Նոր աշխատանքի մասին դերասանուհին պատմել է Life.panorama.am-ին` նշելով, որ Դիանայի կերպարն իր համար շատ սպասված է եղել.

«Նախ պետք է ասեմ, որ այս հեռուստասերիալում նկարահանվելու առաջարկը ընդունելու առաջին նախապայմանը եղել է այն փաստը, որ դերս բացասական էր: Նախկինում երբեք բացասական հերոսուհու չեմ մարմնավորել ու շատ էի ցանկանում նման դերով եւս հանդես գալ: Մշտապես զոհի ու դժբախտ կնոջ կերպարներ եմ մարմնավորել, իսկ այս դեպքում, ճիշտ է, կրկին դժբախտ կին է, սակայն իր դժբախտության մի մասն ու պատճառը կազմում է իր չարությունը: Չգիտեմ, թե հետագայում Դիանայի կերպարն ինչպես կզարգանա, ինչ բնավորության գծեր ի հայտ կգան, բայց դեռեւս նա ամբողջությամբ չար մարդ է, նա սառը կին է, ով չունի ոչ մի զգացմունք, շատ անտարբեր է ու դաժան բոլոր լավ ու գեղեցիկ երեւույթների եւ ամենաշատը երեխաների հանդեպ»,- պատմեց Ռոզին:

Մեր նկատառմանը, թե դժվար չէ՞ր արդյոք առաջին անգամ մարմնավորել բացասական հերոսուհու, նկատեց.

«Ես խայտառակ շատ էներգիա եմ ծախսում նկարահնումների ընթացքում: Այս ընթացքում հասկացա, որ չար մարդիկ շատ էներգիա են ներդնում: Ես մեծ հետաքրքրությամբ եմ նկարահանումներին մասնակցում, քանի որ բացասական կերպարները շատ գույներ են ունենում ու դերասանին մեծ հնարավորություն են տալիս անգամ այն սուղ պայմաններում, որ առկա է հեռուստասերիալների նկարահանումների ժամանակ: Հաճույքով եմ մարմնավորում իմ վատ հերոսուհուն` միաժամանակ իր միջոցով ձեռբազատվելով իմ մեջ կուտակված բացասական էներգիաներից»:

Ռոզի Ավետիսովան իր բացասական հերոսուհու հետ փոքր-ինչ տարբերությամբ մեկ ընդդհանրություն ունի.

«Իմ հերոսուհին սեփականատիրոջ շատ ընդգծված բնավորություն ունի: Ես էլ եմ բնավորությամբ շատ սեփականատեր, միայն թե մեր տարբերությունը կայանում է նրանում, որ նա առանց զգացմունքների է իր սեփականությունը համարում իրեն շրջապատողներին, օրինակ` ամուսնուն չի սիրում, բայց իր կողքին է պահում, սեփականատիրոջ հատկությունից դրդված: Եթե Դիանայի մոտ այդ երեւույթը էգոիզմի դրեւսորում է, ապա ինձ մոտ ճիշտ հակառակը` ես սեփականատիրության զգացողություն ունեմ նրանց նկատմամբ, ում սիրում եմ»,- նշեց Ռոզին:

Դերասանուհին չի վախենում, որ մարդիկ կնույնացնեն իրեն իր հերոսուհու հետ ու կսկսեն չսիրել նրան.

«Կարծում եմ` ես այնքան եմ բարի հերոսուհիների մարմնավորել, որ հազիվ թե մեկ բացասական կերպարով սկսեմ չսիրվել: Դա երեւի կլինի միայն այն դեպքում, երբ շատ-շատ դիպուկ ու լավ մարմնավորեմ կերպարս եւ մարդիկ ընկալեն ինձ միայն այս կերպարով»,- հավելեց նա:

Նոր աշխատանքային անձնակազմի հետ Ռոզի Ավետիսովան հասցրել է ինտեգրվել, նրա խոսքով` դերասանական կազմում փոխադարձ ընկալումն է տիրում.

«Այս անձնակազմի հետ առաջին անգամն եմ աշխատում: Միակ դերասանուհին Նաիրա Մովսիսյանն է, ում հետ նախկինում եւս աշխատել ենք, մնացածին ճանաչում էի, բայց աշխատանքային փորձ չունեի նրանց հետ: Ինչեւէ, հիմա շատ հեշտ ենք աշխատում միասին, հաճելի ու պրոֆեսիոնալ անձնակազմ է, որտեղ բոլորը փորձում են իրենց գործը մաքսիմալ լավ անել: Դերասանները պետք է ամենակարեւորը համբերատար լինեն, ինչը մաղթում եմ բոլորիս, այդ դեպքում լավ արդյունքը ապահոված կլինի»,- ընդգծեց դերասանուհին:

Անդրադառնալով դերասանուհու այլ ծրագրերին` տեղեկացանք, որ «Սահմանին» բազմասերիանոց գեղարվեստական ֆիլմի երկրորդ մասում նրան այլեւս չենք տեսնի, փոխարենը դերասանուհին մի շարք այլ ծրագրեր ու առաջարկներ ունի, որոնց մասին նախընտրում է խոսել ավելի ուշ:

Խոսելով Ռոզի Ավետիսովայի անձնական կյանքից` դերասանուհին չցանկացավ իր կյանքի այդ կողմի մասին մանրամասնել` նորություններ չլինելու պատճառով, բայց նաեւ նշեց.

«Անձնական կյանքումս խաղաղություն է տիրում»:

Հեղինակ` Անուշիկ Մելքոնյան


Լրահոս

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ

Ամենա դիտվող նյութերը

Մեկնաբանություններ
Մեկնաբանություններ
Մեկնաբանություններ
Մեկնաբանություններ
Մեկնաբանություններ

Գովազդ